Alfa námskeið í Lindakirkju hefst með kynningarkvöldi miðvikudaginn 23. september 2020 kl. 18:00-20:00. Boðið verður uppá dýrindis kvöldverð og biðjum við fólk að senda línu á lindakirkja@lindakirkja.is til að hægt sé að gera ráðstafanir með matinn. Námskeiðið stendur svo í sjö miðvikudagskvöld frá kl. 18:00 – 20:00 (auk helgarferðar í Ölver sumarbúðir 6.-8. nóvember)

Sr. Guðni Már Harðarson heldur utan um námsskeiðið þetta árið ásamt góðum hópi fólks. Heiðdísi Karlsdóttur, Nínu Dóru Pétursdóttur, Þórdísi Sigurðardóttur, Gunnari Böðvarssyni og sr. Jóni Dalbú Hróbjartssyni.

Á Alfa-námskeiðinu sem hefur verið haldið á ári hverju frá stofnun Lindasóknar verður stuðst við myndbönd til kennslu í bland við lifandi fyrirlestra. Alfa styðst við bók Nicky Gumbel; Spurningar lífsins (e. Questions of Life). Umgjörð námskeiðsins er afslöppuð og þægileg og ekki eru lagðar kröfur á þátttakendur um viðhorf, skoðanir eða afstöðu. Upplifun hvers og eins af námskeiðinu er ávallt mjög persónuleg. Hver og einn dregur sinn lærdóm. Margir hafa hlotið blessun af því að sækja Alfa-námskeið oftar en einu sinni enda trúarglíman og spurningar lífsins sístætt verkefni.

Við í Lindakirkju bjóðum þig sérstaklega velkomin á kynningarkvöldið þar sem boðið verður uppá ljúffenga máltíð, kynningar fyrirlestur og spurningar. Vitanlega gætum við að fullu að öllum fyrirmælum sóttvarnaryfirvalda.

Kostnaður við kynningarkvöldið er enginn en fyrir hin kvöldin sjö greiða þátttakendur 1.500 krónur fyrir matinn og svo kostar ferðin í Ölver 9.000 krónur með öllu inniföldu.

Ef fólk á í vandræðum með að greiða fyrir námskeiðið biðjum við um að senda okkur í senda línu á gudni@lindakirkja.is svo hægt sé að koma á móts við það. Enginn á að þurfa hætta við þátttöku í Alfa á fjárhagslegum forsendum.

Tímasetning:
Miðvikudagar kl. 18:00 – 20:00

Staðsetning:
Lindakirkja

Verð fyrir máltíð:
1.500 kr/kvöld

Helgarferð í Ölver:
6. – 8. nóvember 2020
Verð: 9.000 kr

,,Alfa námskeiðið kom mér skemmtilega á óvart, ekki síst þar sem það snýst svo mikið um opna umræðu. Fyrir mig er þetta fyrst og fremst góð leið til þess að hafa andlega þáttinn með í lífinu og minna sig á hann. Þar er einmitt mikilvægt að vera meðal annara sem hafa svipaða hluti að leiðarljósi. Fræðsluefnið mjög aðgengilegt, maturinn góður og gott að vera í góðum félagsskap.“

Lárus Guðmundsson, þátttakandi á Alfa námskeiði

,,Alfanámskeiðið er skemmtilegt og áhugavert. Gefandi samvera og þægilegt andrúmsloft ríkti á námskeiðinu. Ég heyrði fræðslu um boðskap Biblíunnar og kærleika Krists, sem gaf mér dýpri skilning á lífinu og tilverunni. Innra með mér ríkti meiri friður, kærleikur og þakklæti, Alfa-námskeið er opið fyrir alla. Á námskeiðinu færðu tækifæri til að taka þátt í umræðum um trúna og lífið. Hver og einn kemur á eigin forsendum og ekki eru gerðar kröfur um trúarafstöðu. Alfahelgin er í uppáhaldi hjá mér, helgin er stór hluti af námskeiðinu og er einstök upplifun.“

Heiðdís Karlsdóttir, þátttakandi á Alfa námskeiði