Fimmtudaginn 24. mars kl. 12:00 munu söngvararnir og gleðigjafarnir Björgvin Franz Gíslason, Þorgeir Ástvaldsson og Ásgeir Páll Ágústsson vera með hádegisskemmtun í Lindakirkju að hætti stórvinar þeirra Ragga Bjarna. Þeir félagarnir hafa sett saman vandaða dagskrá þar sem þeir syngja lög Ragga Bjarna og segja stórskemmtilegar sögur og brandara frá ferli stórsöngvarans. ![](https://www.lindakirkja.is/kerfi/wp-content/uploads/2022/03/RAGGI-BJARNA-Presentation-169-300x169.png)
![](https://www.lindakirkja.is/kerfi/wp-content/uploads/2022/03/RAGGI-BJARNA-Presentation-169-300x169.png)
Allur ágóði af tónleikunum mun renna til uppbyggingar í barna og unglingastarfi Lindakirkju en sóknarnefndin safnar nú fyrir framkvæmdum í kjallara kirkjunnar þar sem byggja á upp vandaða aðstöðu fyrir hið þróttmikla barna og unglingastarf kirkjunnar. Miðaverð á skemmtunina er 3900 krónur og fer miðasala fram hér.