Lindakirkja bætir áfram í safnaðarstarfið og mun frá 18. september bjóða uppá 6-9 ára starf samhliða sunnudagaskólanum í Lindakirkju kl. 11. Í starfinu er farið í leiki, föndrað og ýmislegt brallað, í lokin svo er boðið uppá kex og djús með börnunum í sunnudagaskólanum.

Í vetrarfríinu á vorönn er einnig boðið uppá 6-9 ára starf sem auglýst verður sérstaklega.

Eftir gott sumarfrí hefjast foreldramorgnar  á ný  í Lindakirkju og verða á hverjum þriðjudegi kl. 10-12.

Morgnarnir eru opið hús fyrir foreldra ungra barna. Þar gefst tækifæri til að spjalla saman í notalegu umhverfi. Af og til verður boðið upp á stuttar fræðslustundir og/eða kynningar á vönduðum vörum fyrir börn. Prestarnir mæta gjarnan í stutta stund til skrafs og stundum söngs með börnunum. Boðið er uppá kaffi, ávaxtadjús, brauð og létt meðlæti þátttakendum að kostnaðarlausu. Umsjón með foreldramorgnum hefur Áslaug Helga Hálfdánardóttir tónlistarkennari.

Vertu með!